طيش ... وجريمة...

عجبني فطرحته لنستفيد من اّراّء الجميع

لماذا أخطاء
الشباب طيش ... وأخطاء البنات جريمه ...

في ارتكاب الأخطاء !!.


نجد ان المجتمع يفّرق بين الشاب والفتاة .
فإذا ما تم ضبط شاب وفتاة في وضع مخل أو وضع غير ذلك في مكان خاص او عام .
نرى
الشباب يحصل على البراءة في فترة وجيزة , ويتغاضى المجتمع عن أخطئه ويتناساه .


ونرى الشاب يواصل حياته وكأن شيئا لم يكن .
على الجانب الأخر ,يتعامل المجتمع مع البنت المخطئة على أنهامجرمة ,
أو منحرفة , فهي أخطأت في حق نفسها ,أسرتها ومجتمعها ,
ونجد الكل في حالة ترقب للنيل منها .
والحكم عليها بالإعدام , وتصبح منبوذة طيلة حياتها ,
حتى فرصتها في الزواج تقل وقد تنعدم بعد أن تسقط
من حسابات أي شاب يرغب و يسعى للزواج .


وانا لااعني بكلامي هذا ان يتغااضى الانسان عن اخطاء
البشر سواء كان شاب او فتاه ولكن يجب ان يعطى الانسان
فرصه اخرى بحياته ولكني اعني بالرحمه والرفق بالفتاه


فان كان الله وهو خالق كل شي وفوق كل شي جل وعلا
يرضى ويغفر للكافر الذي عمل وعمل مايحلو له من ذنوب بعد توبته .....


فنحن البشر لانستطيع ان نصفح ونجدد البسمه في حياة ناس ماتو وهم احياااء!!!


فهل من العدل تحتمل الفتاة وحدها هذا الوزر وتدفع ثمن خطئها طول العمر ........؟؟؟


وهل نطلق العنان للشاب لكي يجرب .
لكي يخطئ بحجة "الطيش " والنزوات ....؟
وما هي مسئولية المجتمع ؟

NEH كتب:

هل الانثى مستعدة للتخلي عن اجمل شي فيها(عفتها وكرامتها) مشان

المجتمع يحاسبها متل الشب؟؟؟؟؟؟؟؟؟؟؟

اكيد لأ ... بس مافي حدا منا معصوم عن الغلط
واذا هي غلطت بالطيف ..الغلطة بكفرة... بيقولو انو البنت فيا عقل مشان ماتغلط
يعني ع اساس الشب اللي مافيو عقل

بس لقلك شو اللي صاير فينا نحنا
بالغرب عندن المرآة مفضلة .. ما علينا
بس نحنا بما انو بالعكس...الشباب ماشية ورا هالعلاك المصدي (عدم المؤاخذة)
والبنت كمان ماشية مع هالتيار... وما بيقولوا انو كل واحد محاسب على غلطو
لازم يحاسبو المجتمع كمان... بس مابصير شي اذا كل واحد منا فهم وجهة التاني وشو سبب غلطو
بس اكيد مالح نتفهم واحد\وحدة ..مافي منن الرجا

بس متل ماتفضلت تك تاك..اذا كل واحد منا بتذكر الله بذنب الغلط.. بظن وقتا ممكن تغيب عن بالنا هيك امور تقليدية (البنت شي .. والشب شي)

وشكراً ل ردودكن

هلا مختار منور..........
هلأ كلامك اكيد وبدون شك فيو وجهة نظر من حيث (الواقع)
بس مابتظن كمان انو غلط.... يعني اكيد نحنا مالح نقدر نغير شي مزروع بنفسنا وبالناس من زمان..
وانا معك انو للبنت الها عالمها الخاص يعني(سمتعا-كرامتا-عفتا-اخلاقا)
والله انا معك بهالشي ولازم البنت منا تحافظ ع كل وحدة منن
بس ليش ما منترك مجال ..يا اخي للمناقشة اقل شي...
هلأ فرضا.. انت في بنت بهمك امرها وغلطت بشي..(يعني اكيد مو الكيائر)
بس المهم انو غلط..مابظن انو عندك استعداد انك تفهما يعني (الناس وموقفك قدامن وحتى نظرتن لألها) كل هالشي بدرو براسك
بصراحة هاد جهل وظلم نوعاً ما....
وانت قلت انو المتضرر الأكبر اذا صار شي .. هو البنت
بس ليش هالنظرة الخطأ موجودة؟؟؟
يعني انا ماني عارفة ليش لأن متلي متلك انا كمان عندي هالشي بأنو البنت شي والشب شي...بس اني بعتبرو خطأ

انا كل همي اعرف ليش هالمبدأ اللي نحنا منمشي عليه...يعني فيك تقول
سؤال ما لقيتلو جواب..قلت بركي بلاقي شي جواب اقتنع في تمام
... وآسفة ع الإطالة

جد..
طيب اوك
انا اللي ماني عم افهمو..انو ليش هالأعتقاد فينا(الشب شي والبنت شي)
يعني انا بنت .. وبعرف انو الذنب عند ربنا واللي هو اهم بضل ذنب
بغض النظر ان كان بنت او شب
بس بواقعنا.. انا ايضاً بشوف انو الشب مابيعيبو متل البنت ...وانا حتى فيني اتفهمو بأغلاطو اكتر من ماافهم اغلاطي..؟؟

عـــرفت مسيو مختاار...
ولو اني بحاول اعرف سبب الغلط ولاقيلو شي تبرير..بس بيني وبين حالي
غلط البنت بحسو افظع من غلط الشب

مشكورة على هالموضوع لانو حطيت ايدك عالجرح
و انا بقدر رأي الجميع و الكل معون حق بس مو كتير
لأنو ما في بنت بتغلط الا غلطها وراها شب
و نحن العالم بمجتمعنا بشوفو شي صغير و بيبلشوا يبهروا فيها
يعني بتكون البنت حكت حكي معه
بعدين بيبلش الحكي و من ناس لناس بتكبر و بتوصل معهم انو نامت معه كمان
هلأ في بنات مو منيحة ما بقول لأ بس مو معناتها بنات الدنيا كلها هيك
بعدين كل شب بده يقرأ هالموضوع يفكر بحبيبته
بتقدر تقول انها غلطانة؟؟؟
لأنو كمان في شباب مناح و في شباب الله يبعدون عنا مو مناح
يعني الدنيا فيها الايجابي و السلبي

مشكورة مرة تانية
اتقبلي مروري