Dont stop

[color=black]ويلكام...حبيبوبنا المنتدى مو للفرجة تفضل سجل.....اهلا وسهلا فيك بأي وئت[color]...

    ((يووميات ميكروو بااااص+باصات النقل الداخلي في دمشق))

    شاطر
    avatar
    SWEET GIRL
    عضو فعال
    عضو فعال

    انثى الثور الديك
    عدد المساهمات : 361
    تاريخ التسجيل : 28/03/2010
    العمر : 25
    الموقع : in my home
    العمل/الترفيه : طالب

    ((يووميات ميكروو بااااص+باصات النقل الداخلي في دمشق))

    مُساهمة من طرف SWEET GIRL في السبت 3 يوليو - 21:11

    3

    2

    1



    بدأ العرض:

    ها هو المواطن السوري البريء بمد اصبعه بكل براءة لباص المزة جبل

    فيهجم شوفير الباص عليه هجم والا شوي رح يدعسو يصعد الاخ المواطن ويستقبله المعاون بابتسامه عريضة وبقلو هات

    يمد المواطن يده لجيبه وبطلع سبع ليرات (كانت خمسة بس مو ارتفع المازوت صارت سبعة )

    بطلع فيه المعاون وبقلو خمصطعش

    لك ليش خمصطعش

    اي هي بطاقة ذهاب اياب

    وبركي انا رايح روحة بلا رجعة

    تصطفل المهم هات خمصطعش وبلا علاك (اذا سمحت )

    المهم بيعطيه المواطن الخمصطعش ليرة مع انو مو مقتنع

    وحتى لو ذهاب اياب بيطلعلة ليرة

    لانو 7+7 = 14 !!

    بقول المواطن لحالو يالله مو محرزة وبطلع هيك بدو يقعد على شي كرسي (والله يجعلو كرسي )

    بطلع بشوف كرسي مالو ضهرية وكرسي مالو جلد وكرسي مالو دعامات حديد وكرسي ماهو كرسي ونص كرسي وذكرى عصابة الكف الحديدي وذكرى من ابو عزاب خيال الزرقا وبحبك موت يا لولو وذكرا الشجعان الثلاثة وأرقام موبايلات حدث ولا حرج والمفاجأة الاحلى والاروع انو مابلاقي ولا كرسي فاضي

    امرو لله رح يضل ع الواقف وبيسند ضهرو ع زيق الشباك ولا بلاقي مأنشح أنشحة متأنشحة (هذا ان وجد الشباك )قد يكون الباص صيفي بدون بلور يعني

    يتمسك المواطن بالعامود الفلتان اللذي فوقه حتى ما ينطبش

    وفجأة فرام قوي بيوصل الاخ المواطن لجمب الشوفير وبقلو مرحبا

    بيطلع شي تليتين اربعين خمسين سبعين ميتين راكب وما بضل محل لا لمسك العامود الفلتان ولا لسند الضهر ع الشباك اللي الله يجعلو شباك وبصير الاخ المواطن في عداد المفقودين

    نزلنا ع اليمين لو سمحت

    جمله يطلقها احد الجالسين على عرشه المزخرف فتنطلق العيون على العرش للانقضاض عليه عله يستريح قليلا

    ولحسن حظ اخونا بكون واقف فوق راس صاحب العرش وينقض على الكرسي وكان هذا اعظم انتصار له اليوم

    يجلس السيد المواطن ويتفاخر ويجاكر اللي حوليه وللصدفة يكون الكرسي فوق الاشطمان (مكان خروج الدخان من الباص )

    ينظر المواطن فيرى اعجوبة..رسماً فنياً ساحراً خطتها اجر الشوفير الحنون

    يرى الاشطمان يجعر الدخان الأسود جعر..اسود كحلي نيلي متل مدخنة المعامل يخنق كل من يمر من جانب الباص

    غمامة سوداء تحرق الأخضر واليابس ..طاعون سل جرب ايدز كوليرا

    ويضحك المواطن من سيارة مرت بجانب الباص وهو يسعل ويلعن ويسب ومن ثم يغلق شباك سيارته تلافيا للدخان بعد ما التعن ابو فطاسو

    ويتابع الباص رحلته المسلية

    وبعد شي خمسين..ستين وقفة ووقفة وجعر وعن عن عن

    بيطلع المفتش

    تزاكر تزاكرررر تزاكر يا حباب

    تفضل هي تزكرتي

    تاني مرة لا تطعوج التزكرة

    حاضر

    بينزل المفتش وبرجع بقلع الباص بعد ما يرججج كل الباص وتستمع الى صوت رجيج البلور مع المعدن وتنخض مصارين الركاب ويختنقو من ريحة بارفان الاشطمان..

    وماهي الا ثواني وبيطلع مفتش تاني

    وثالث ... الخ

    بعد ذلك يخطر ببال الشوفير بعض الطرب لترفيه الركاب يعني

    يشغل المسجلة اللتي تخشخش على غنية تع بورد تع بورد تع تع بورد تع بورد تع الاصيلة و صوت البفل المبخوش يلعلع بحنية آسرة

    ياسلاام شي رائع

    وبينما الاخ المواطن مطروب تقف امامه امرأة عبتتلولح يمين شمال فتتحرك به نخوة الشباب

    تفضلي خاله استريحي..

    الله يرضى عليك يا ابني ولا يضيمك

    اهلين حجة

    ينظر المواطن بنفسه ويقول لقد خسرت العرش

    بعد شوي بصيح المعاون النخونجي

    قعدو هالحريم ياشبااب قعدو هالحريم

    بطلع بلاقي كل الكراسي قاعدين عليها حريم والرجال واقفين ع الواقف..مابقى غير ينزلو الشباب ويكملو مشي لحتى تحظى النساء بفرصة ع الواقف

    ثم يبعق المعاون والشوفير سويا

    لقدام يا شباب قدمو لقدام الباص فاضي

    اوووف وصلنا نزلنا ع اليمييين اذا سمحااات بيبعق المواطن بعققق مشان يصل الصوت للشوفير

    وبعد قطع اتنين كيلو متر بقول الشوفير حدا نازل؟؟!!

    يخفق قلب المواطن ويقول للشوفير اي خيو اي نزلنا كرمال الانبيا

    تفضل (مع التحفظ )

    يقف الباص نص وقفة مشان ما يوقف ويطفي معو الباص

    ولسا ما بيلحق يحط المواطن اجرو ع الارض بدوس الشوفير مازوط وبيدعكل السيد المواطن المحترم ع الأرض ويغطى بغمامة دخان الباص الاسود

    فيقوم السيد المواطن المحترم وبنفض تيابو وبيمشي متبخترا متناسيا الذل اللذي عاشه لفترة ساعة كاملة
    avatar
    Raghdan
    عضو جديد
    عضو جديد

    ذكر الحمل الماعز
    عدد المساهمات : 26
    تاريخ التسجيل : 28/05/2010
    العمر : 27

    رد: ((يووميات ميكروو بااااص+باصات النقل الداخلي في دمشق))

    مُساهمة من طرف Raghdan في السبت 3 يوليو - 21:17



    الله يكون بعونك

    مشكوووور الله يعطيكي العافيه
    avatar
    messi
    منا وفينا
    منا وفينا

    ذكر الاسد القرد
    عدد المساهمات : 735
    تاريخ التسجيل : 17/05/2010
    العمر : 26
    الموقع : do-not-stop

    رد: ((يووميات ميكروو بااااص+باصات النقل الداخلي في دمشق))

    مُساهمة من طرف messi في الأحد 4 يوليو - 7:21

    مشكورررر كتير

    على المجهود الكبير


    =======التوقيع========
    avatar
    SWEET GIRL
    عضو فعال
    عضو فعال

    انثى الثور الديك
    عدد المساهمات : 361
    تاريخ التسجيل : 28/03/2010
    العمر : 25
    الموقع : in my home
    العمل/الترفيه : طالب

    رد: ((يووميات ميكروو بااااص+باصات النقل الداخلي في دمشق))

    مُساهمة من طرف SWEET GIRL في الإثنين 5 يوليو - 18:59

    أهلا..منورين..

      الوقت/التاريخ الآن هو السبت 19 يناير - 2:08